كل شهر وانتي طيبه
كل ثانيه وانتي معايا
صباح الخير يا حبيبتي
النهارده 28 /8/2007
النهارده تاسع 28 يمر علينا
بحبك
كل 28 وانتي طيبه



امضاء
من يهمه ان تحبيه وتحبيه وتحبيه

إقتباس

في البدء شيءٌ من الزعل ـ وعلى إثْر ذلك حب كبير؟ على هذا النحو يحصل الانفجار من احتكاك أعواد الثقابِ


نيتشـــــه.

حبك جنني يا اسمك ايه..كلاكيت تاني مره .... بوم بوم بوم بوم...فشششششش

كنت خلاص رايحه انام...كان يوم صعب اوي عليا من ساعة ما فتحت عيني وانا مزاجي وحش وقلبي مقبوض...ومدايقه ..وانت بعيييييييييييييييييييد....فيه بينا حوالي 1 2 3 10 40 50 60يووووه ....كيلو؟ ..مش عارفه من غير مقدمات كئيبه

خلاص انا كنت هغمض عيني ....ومدايقه وحاسه اني مش قادره ...فجأه كدا زي ما بييجي ف الافلام ..لما البطل بيحل لغز الفيلم...لمبه منوره علي دماغي..وعيني برقت...ورفعت حواجبي ...وحسيت ان مودي اتقلب...او ان فيه حاجه هعملها ورايحه اجري اشوفها

افتكرت المدونه طبعا...بقالي كتير فعلا ما فتحتهاش

اسفه

بس بجد اللي احسن من اللمبه اللي نورت فوق دماغ بطل الفيلم

الفشششششش اللي لاقيته دا

مفاجأه حلوه اوي
وجايه ف وقتها
ربنا يخليك ليا وتفاجأني أكتر من كدا كمان............

ich liebe dich

إعاده

زمان .................. مش زمان أوي يعني

كان فيه بنت صغيره ......... مش صغيره أوي يعني

وكانت بتيجي الكان ده كتير ......... برده مش كتير أوي

بس كانت بتيجي تلعب وتخاف وتفرح حبيبها ( وتخف قلبها شويه ) وكانت دايما تنادي علي واحد أسمه ( حضرة صاحب المحبه )

وف يوم الواد ده فكر يروحلها هنا وزعل انها نسيت هنا .

فقرر يدخل يقولها بحبببببببببببببببببببببببببك هنا

ويشوف هتيجي هنا أمتي عشان تقراها

إمضاء

إلي من يهمه

أن تحبيه وتحبيه وتحبيه

حبيبــــــــــي ذو الاختيارات المهمه....حبيبـــــــي أنت يا فيلسوف

بيني وبين نفسي

أليس من ذلك بد؟؟

نعم ليس من ذلك بد

بعد ما قريت أول حاجه أخدها منك..الروايه (كائن لا تحتمل خفته) بتمتم بالكلمه العبقريه اللي ذكرها كونديرا علي لسان بطل الروايه علي أساس أنه يعني بيردد سيمفونيه لبيتهوفن

مش مهم كل دا

المهم إنها عبقريه

أليس من ذلك بد؟؟

نعم ليس من ذلك بد

بحبك

لأنهـــــــــــــــــــــــــــــــــــــا ..!!!! ه

كنت بتفرج علي حاجات كتير كدا لسلفادور دالي..وقاعده اتنح كدا ف حاجات وحاجات تانيه أعديها وحاجات أهتم أركز فيها وحاجات تانيه مش ألفاها ومش مهتمه وحاجات أهم بكتيييييييييييييييييييييييييييييير(زي دي مثلا) تخيلتك لما تكون موجود هتقول عليها إيه؟

وهتعلق إزاي؟

وهتقول كلمة عجباني إزاي؟

وهتقولي شوفي إبن الكلب إزاي؟

بحاول أجيبك ف حاجاتي مش عارفه أكمل حاجه لوحدي

خليك لسه ما كملناش حاجه

ورانا حاجات كتييييييييييييييييييييييييييييييييييييييييييييير

sway me now

when marimba rhythms start to play
Dance with me, make me sway
Like a lazy ocean hugs the shore
Hold me close, sway me more


Like a flower bending in the breeze
Bend with me, sway with ease
When we dance you have a way with me
Stay with me, sway with me


Other dancers may be on the floor
Dear, but my eyes will see only you
Only you have the magic technique
When we sway I go weak


I can hear the sounds of violins
Long before it begins
Make me thrill as only you know how
Sway me smooth, sway me now

Other dancers may be on the floor
Dear, but my eyes will see only you
Only you have the magic technique
When we sway I go weak

I can hear the sounds of violins
Long before it begins
Make me thrill as only you know how
Sway me smooth, sway me now
You know how
Sway me smooth, sway me now

أصل الأشياء

قالت كليا لبلتازار،ذات مره،"عندما تقطف وردة،فإن الغصن يضمد موضعها. إلا أن ذلك،ليس حقيقيا،إن تعلق الأمر بما للقلب من عواطف". كنت بقرأ ف الروايه ومندمجه خالص وجيت هنا و..... قمت

بحاول أعمل حاجات كتير وأنجز حاجات كتير أوي عشان لما أشوفك اعدهالك ..فتفرح بيا

تفرح بيا!!!! أصل الأشياء

خلاصة اليوم

خلاصة اليوم..بعد تفكير كتيييييييييييييييير وساعات كتير قاعداها لوحدي وصفح كتييييييييير بقرا فيها وافلام وحاجات بتفرج عليها ومزيكا قاعده أسمعها
خلاصة اليوم والحاجات والمرحله وما بعد المرحله بجد
بحبــــــــــــــــــــــــــــــــــــك وبس

بحبك

واحشنــــــــي بخوف!!!! .....يا حبيبي

واحشني أوي...بقالي كتير ما كتبتش هنا حاجه

ممممممممممم

يمكن مشغوله بمشاكلنا..أو حاجتنا اللي المفروض تتعمل واللي بنعملها..ويمكن التفكيرأخد مني وقت كبير..بس واحشني هنا أوي..واحشني مكاني أنا وانت وبس

بقالي وقت كتير أوي ما شوفتكش.. وسط الوقت دا وقت المفروض أنه يكون شفنا بعض فيه ..المفروض!!! بس انا مش حاسباه

هو بقالنا كتير ما شوفناش بعض

واحشني أوي أوي أوي أوي أوي

وبخوف

وبحبك

وخلاص

وبحبك وبحبك وبحبك وبحبك وبحبك وبحبك وبحبك

نحنا....سوا

تفتكري ليه الكتابة معاكي أجمل من الكتابة ليكي ؟؟؟

تفتكري ممكن نكتب إيه واحنا مع بعض ؟؟؟؟

تفتكري عنيكي حلوين كدا ليه ؟؟؟؟؟؟؟

زي ما الكتابة معاك أحسن من الكتابة ليك بكتيييير 0

نكتب ......نحنا ......سوا 0

عشان بتحبك 0

تفتكر انتا بقي ... أنا بحبك كدا ليه ؟؟؟؟؟

تفتكر انا نفسي أفرحك أوووووي كدا ليه ؟؟؟

تفتكر إيه أول حاجه ممكن نعملها لو قمنا من علي الجهاز حالا ؟؟؟؟

يمكن بتحاولي تبقي زيي 0

يمكن بتحاولي تبقي زيي 0

نفضل مع بعض أطول وقت ممكن............... خليكي.

حبيتكَ .. وأنا كمان حبيتك .. وبحبكَ .. وأنا كمان .. وهحبكَ .. علي طول

علي سطح الجيران

حبـيـــــبـــــــي

بفتكرك أوي ..وأحنا صغيرين..بفتكرك وانت فتي الشارع الأول..وبتعمل زي سوبر مان وبتضرب كل العيال..وبتلعب معايا وبتعاملني أحسن من كل العيال ...وكل العيال الغيرانين بيقعدوا يتكلموا علينا ويقولوا أشمعنه..فاكر لما كنت ماسك اللعبه..وزعقت مع الوله صاحبنا عشان زعق فيا..وطلعته بره اللعب عشان خاطري...ياااااااااااااااااااااااااه..حاجات جميله أوي

مش قادره أنسي مشهد لينا أبدا واحنا صغيرين وانا قاعده علي سطح الجيران بعيط عشان ماما ضربتني وطبعا مش فاكره ليه؟؟ بلاوينا سوا كانت كتيره تزويغ وبنضرب العيال وتشرد!!!

فاكر بقي لما قعدت جمبي علي سطح الجيران ع الارض وانا بعيط وراسي محطوطه علي رجلي وطبطبت عليا وقولتلي ما تزعليش وبكره نكبر ونتجوز ومامتك ما تضربكيش تاني وعيطت عشان انا بعيط...ياااااااااااه ..هو أنت جميل أوي كدا ليه..وانا بحبك أوي كدا ليه

فاكره ايدك الصغيره ..اللي ما كنتش بتسيب ايدي..وفاكره الفلوس الفكه اللي كنت بتلمها وانا بلمها ونخرج سوا فاكرين اننا هنشترب العالم ..فاكر أول يوم تحس فيه انك كبرت شويه بدأت تبطل لعب ف الشارع وقولتلي انا بلعب شطرنج..وطبعا مش بتعرف تلعب ولا حاجه وقاعد تحرك وانا أحرك قدامك اللعب وأهي حجه عشان نفضل عاملين عيال ونلعب مع بعض

فاكره جرس عجلتك لغاية دلوقتي ..فاكره السارينا اللي كنت بجهز نفسي ع الباب أول ما أسمعها من بعيد ..وفاكره البسكوت اللي كنت بتجيبهولي ف المدرسه من مصروفك وتعمل راجل وما ترضاش تاخد مني فلوسه...وفاكراك انت اكتر وانت بتبدأ تكبر كدا وجاي بردوا علي سطح الجيران وقاعد جمبي وعينك بتضحك ضحكه شبه اللي أكتشف حاجه أو اللي خد جايزه وبتقوللي وبكل فخر تعرفي أنا عملت ايه النهارده..أنا شربت سيجاره

أنا مش هنسي أبدا أن أول حد قولتله علي أول سيجاره شربتها وأول احساس بالمراهقه تبدأ تحسه هو أنا...وأنا طول الوقت حاسه انك بتتصرف ف الحياه عشاني ..فاكر يا حبيبي فاكر؟؟

فاكر سطح الجيران دا فعلا؟؟ ...يستاهل يتغناله بجد

فاكر عياطنا وفرحنا وخططنا كلها عليه...وحتي الطيارات الورق اللي كنا بنعمل فيها بالساعات ونرجع نطيرها كنا بنعملها ونطيرها عليه

أوعاك بقي ما تكونش فاكر؟؟

وأوعاك ما تكونش أنت؟؟

أنا مصدقه بجد أنه انت....شامه فيك ريحته شماها..شامه ريحة الوقت دا...ريحة العيل دا...وريحة الزمن دا...شبه راحتي وشبه فرحتي ف الوقت دا

أنا فعلا شايفاك سوبر مان...حبيبي اللي بيعمل أي حاجه وعنده أستعداد يعمل أي حاجه عشاني...وبيحللي كل مشاكلي ..هو أنت مش كنت بتعمل كدا ؟؟

ولا أفكرك

مش كنت بتشيل حاجات تقيله جدااااااااا....وتشيل شنطتي وشنطتك...وتتعور وتقوللي مش بتوجعني...وتشلني واحنا بنلعب...وأفضل قلقانه ومش حاسه بقيمتي ف اللعب لغاية ما تيجي

بتهيألي مش هفرح لما أبقي عروسه زي ما كنت بفرح لما بنلعب عروسه وعريس سوا

أنا بحبك أوي أوي أوي

ومصدقه ان أنت أوي أوي أوي

أوعاك تقول مش انت؟؟لا أنت...أه أه انت

وأول مره شوفتك حسيت اني لقيتك بقي ...بقالنا كتير ما لعبناش سوا يا فتي ألعابي

لعبني بقي لعبني

حبيبتك وبحبك

dance me to the end of time

أزيك يا حبيبي

واحشني اوي اوي...بما أنك واحشني بقي..فقلت نتكلم هنا شويه...واكتبلك كدا شويه..وأجيبك هنا كل شويه ..وأتكلم

معاك شويه وشويه وشويه..هحب الكتابه هنا لأنك حبتها ..هكتب هنا واحبك هنا...عشان بقي ما يبقاش فيه مكان ما

حبتكش فيه...هكتب وانا فرحانه اوي ومبسوطه اوي بكلامك ليا...هكتب عشان تحبني اكتر وعشان احبك اكتر واكتر

واحس انك واحشني اكتر...هكتب وفاكره كلام...........ك

خففي قلبك

أكتبي
لعلك تستطيعي....أن تفرغي قلبك مما يزيد عن حاجته للخفقان

أكتبي
لعلي أستطيع...أن أقول قد أكون يوما جديرا بحبها

أكتبي
لعلنا نستطيع...أن نمضي معا لنجعل من أيامنا القادمة ذكريات جميلة

امضاء
من يهمه أن تحبيه وتحبيه وتحبيه

------------------------------------------------------------------

أد ايه الكلام عاجبني! ...أد ايه عندي طاقه اكتب واكتب!-عشانا - أد ايه بحبك!!..أد ايه يهمني نكون سوا..ونكون

سوا...ونكون سوا...وترقص بيا لأخر العمر...وايدك ملفوفه حوليا ورجلك بتلم روحك وتسحب حركتي ..وانا مش فاكره

من كل دا غير عينك وهي بتبصلي وأحنا سوا!!!!اااااااااااااا

حبيبتك